Томас Барту: Саазын зөрөг цэцгийн амтат Будвайзер ХIII зуунаас эхтэй

Томас Барту: Саазын зөрөг цэцгийн амтат Будвайзер ХIII зуунаас эхтэй

Чех улсын үндэсний уламж­­­лалт технологиор бү­тээгд­сэн энэ шар айраг­ны анх гарч ирсэн үе нь Их Монгол Улсын байлдан дагуулалт, Монголын их эзэнт гүрний ид цэцэглэл­тийн үетэй давхацдаг нь нэн сонирхолтой юм. “Буд­­вай­зер будвар”-ыг “Макс” группын “Макс им­пекс” компани анх 1998 оноос эх орондоо импор­толж эхэлсэн байдаг. Тэгэ­хээр арваад жил энэ шар айргийг хэрэг­лэж ирсэн Монголынхоо хэрэглэгч­дэд түүний дав­таг­дашгүй чанар, өвөр­мөц техно­логи, нэн эрт­ний үүх түү­хээс нь сонир­хуулахаар “Будвайзер буд­вар” Че­хийн үндэсний кор­по­ра­цийн Бүс нутгийн худал­даа хариуцсан мене­жер Томас Бартутай ярилц­лаа.  -Та Монголд ямар хө­төл­бөртэй ирэв. Аяллаар уу, эсвэл ажил хэргээр үү. Манай оронд өмнө нь ирж байсан уу?  -Монголд анх удаагаа ирж байгаа минь энэ. Манай “Буд­вайзер будвар” үндэсний корпораци Монголын “Макс импекс” компанитай хамтарч ажиллаад нэлээд олон жил болж байна. Би энэ бай­гууллагад Ази, ОХУ, Шинэ Зеланд, Австрали дахь ху­дал­даа хариуцаж ажилладаг. Тиймээс энэ удаа манай албан ёсны дистрибюьтер Макстай цаашид хэрхэн хам­тарч ажиллахаа ярилцахаар ирсэн юм. Мөн Монголд ма­най шар айрагны хэрэглээ ямар түвшинд байгааг өөрийн нүдээр харж бодит байдалтай танилцахыг зорьсон. Будвай­зер будвар танай оронд маш өргөн хэрэглэгдэж байгааг хараад миний сэтгэл их хө­дөл­лөө. “Макс” сүлжээ супер­маркет болон рестора­нуу­даар маш сайн борлогдож байгааг өөрийн нүдээр хар­сан. Намайг “Макс” супермар­ке­тад явж байтал нэг залуу Будвайзерийг маш ихээр авч байхыг хараад үнэхээр дог­дол­сон. Тэр залуу манай шар айргийг тийм ихээр авч бай­сан нь гайхалтай байсан. Үүнээс харахад монголчууд манай шар айрагны чанарыг сайн мэддэг юм байна гэж бодож байна. Мөн ресторанд ороод Будвайзер ууж байгаа залуучуудтай уулзлаа л даа. Тэгээд сэтгэгдлийг нь асуу­сан чинь дэлхийн шилдэг пиво гэдгийг баталж байна лээ. Өчигдөр би Хүй долоон худагт очиж монгол морь унаж үзлээ. Монгол гэрт зочиллоо. Монгол морь жижиг биетэй мөртлөө их шөрмөслөг юм билээ. Анх намайг морь унах уу гэхэд нь “намайг даах болов уу” гэж эргэлзэж бай­сан. Би их том биетэй хүн. Анх удаагаа морь унаж үзэж бай­гаа минь тэр л дээ. Гэтэл яах ч үгүй байсан. Тэр өдөр би Монголын малчидтай Будвай­зерыг хувааж уун, монгол хоол идэж нэг үдшийг маш сайхан өнгөрөөлөө.   -“Будвайзер” шар ай­раг­ны түүх ер нь хэдийнээс эхэлсэн юм бэ?  -Түүх нь гэвэл маш эрт­нийх шүү дээ. Чехийн Будвайз гэдэг хотод ХIII зуунд үүссэн юм. Чехийн II Премизл Отакар хаан 1256 онд энэ хотыг үүсгэн байгуулсан. Энэ хаан тухайн үедээ шар айраг үйлд­вэрлэх хуулийг анх гаргасан гэдэг. Эндээс л манай “Буд­вай­зер” анх бий болсон гэж үздэг. Нэг сонин зүйл хэлэ­хэд, ХIII зууны үед шар айр­ганд ямар ч шошго байгаагүй юм билээ. Ингээд “Будвай­зер” үйлдвэр маань хожим нь 1895 онд “Чех Жойнт Сток” нэртэй­гээр байгуулагдаж байсан. Долоон зуун жилийн пиво нэрсэн түүхтэй хүмүүс энэ үйлдвэрийг нээсэн юм.   -Их сонин түүхтэй юм байна. Харин бусад шар айраг­наас давуу юм уу дав­тагдашгүй чанар нь юу бай­хав?  “Будвайзер”-ын давуу тал нь манай технологи. Манайх бол дэлхийн өөр хаана ч бай­даггүй тусгай технологиор шар айргаа үйлдвэрлэдэг. Байгалийн цэвэр түүхий эдийг ашигладаг юм. Чехийн Моровья гэдэг газраас улаан буудайгаа авчирдаг. Мөн дэл­хийд алдартай Саазын зөрөг цэцгийг найрлаганд нь оруул­даг. Энэ бол манай Чех нут­гийн Сааз гэдэг нутагт урга­даг, өвөрмөц үнэр амттай, хүний эрүүл мэндэд маш сайн нөлөөтэй. Энэ цэцгийг хольсноор Будвайзер шар айраг маань бусад пивийг бодвол илүү өвөрмөц таа­ламжтай үнэр амттай болдог. Энэ нь хүний эрүүл мэнд, ялангуяа гоо сайханд маш эерэг нөлөө үзүүлдэг гэж чехүүд үздэг. Манай чех эмэгтэйчүүд өдрийнхөө хоол­ны дараа заавал Будвайзерыг тогтмол хэрэглэдэг. Тэдний үздэгээр энэ шар айргийг тогтмол хэрэглэдэг хүн ямар ч гоо сайхны бүтээгдэхүүн хэрэглэхгүйгээр маш цэвэр­хэн, үрчлээгүй гоо сайхнаа хадгалж чаддаг гэдэг. Зөрөг цэцэг бол ходоодны үйл ажил­лагааг сайжруулдаг, хүний биед зайлшгүй хэрэгтэй хүч­лүүд, органик нэгдлүүдийг агуулж байдаг. Будвайзерт агуулагдаж буй Саазын зөрөг цэцгийг дэлхийн улс орнуу­даас Япон улс манайхаас хамгийн ихээр импортолж авдаг. Ер нь Чех зөрөг цэц­гийн экспортоороо алдартай. Үүнээс гадна Будвайзерыг хийхдээ маш зөөлөн ус хэрэг­лэдэг. Манай үйлдвэр 800 жилийн түүхтэй усан сантай. Энэ уснаасаа бид ашигладаг. Олон жилийн түүхтэй учир маш гоё зөөлрүүлсэн ус бай­даг. Ийм учраас Будвайзерт химийн бодис холих ямар ч шаардлага байдаггүй. Евро­пын бусад шар айргуудыг гурван долоон хоног нэрдэг бол манайх Будвайзераа 90 хоног нэрдэг. Бидний хэрэг­лэгчдэдээ хүргэдэг хамгийн том баталгаа бол байгалийн цэвэр чанар. Яагаад цэвэр чанараа баталгаа болгодог вэ гэхээр энэ пивийг дэлхий дээр манай хотоос өөр хаана ч үйлдвэрлэдэггүй. Дэлхийн аль ч оронд очоод Будвайзер пиво авахад манай хотод л үйлдвэрлэсэн байх болно. Бид аль ч оронд хаана ч лицензээ өгдөггүй. Гадны оронд бай­тугай Чехийнхээ өөр аль ч хотод энэ пивийг үйлдвэрлэх эрх өгдөггүй юм. Тиймээс Будвайзер бол маш онцгой пиво.   -Та монгол шар айраг ууж үзэв үү?  -Үзсэн. Монгол шар айраг манайхыг бодвол арай зөөлөн амттай юм билээ. Харин манай пивоноос зөрөг цэцэг, улаан буудай тод үнэртдэг. Азийн бусад оронтой харь­цуу­лахад монголчууд пивийг маш сайн хэрэглэдэг юм байна.   -Танай гэр бүлд шар айрагны талын мэргэжил­тэй хүн бий юу. Гэр бү­лийнх­нийхээ тухай танил­цуулахгүй юу?  -Миний ээж багш хүн, одоо тэтгэвэртээ гарсан. Харин аав маань цахилгаан станцад техникч хийдэг байсан. Тэд маань хөгжим их сонирхдог. Одоо ч миний аав өмнөд Богемийн театрт очиж хөгжим тоглодог. Миний гэр бүлийн хүн эмнэлгийн салбарт ажил­ладаг. Хоёр хүүхэдтэй. Би Будвайз хотод төрсөн. Энэ компанид зургаа дахь жилдээ ажиллаж байна.